Warenkorb
0€ 0

Kurzbeschreibung


sog ned a so und a ned a so
das ned irgendwea sogn kau
i sog so oda so
und i red wos i wü
und i tua wos mi gfreid
und i schea mi goa ned
um de woschadn leid
de goa so vü redn
und bled dan üwa mi
san olle mitanaunda vü schlechta ois i
hoch auffi hoch auffi hoch auffi schteig i
schteigt neamd so hoch auffi
hoch auffi wia i
eeeeee mia san de schenan zwe
eeeeee mei han mia sche
i hob de schof augschaud
dschofde haum mi augschaud
oft hob i mi gschaumd
wei mi dschof augschaud haum

sim sim und sam sam
sfinanzamt und dschandam
in apotheka sei hund
leckts mi in oasch und bleibts gsund

dea oa denkts
dea oa moants
dea oa frogt scho wias is
muaß scho so sei wauns a ned aso is

geh auffi geh ummi oft findst in weg gwis
wo gestan in vodan sei kraut gschtaundn is

gscheada hirammö gscheada horammö
iß a rohsfleisch is guad fian hianschweiß
schmia da in bau ei mit soimiack
dasd mehra hian kriagst und weniga gnack

gestan hods gschneibt und koid is im laund
do san ma de laus dafroan unta mein gwaund

waun i nimma mog und bin grantig vor not
daun schtreich i ma in oasch blau au und dhaxn rot

da adam und deva haum gwett um an käfa da
adam hod gwunna und deva hod gschpunna

hoids eng zäum hoids eng zäum
heid is koa sünd i hobs in kalenda gschaud
heid gehd da wind und wo da wind heagehd
des siacht ma glei
bei de oan gehda eini
bei de aundan voabei